NO PUDO SER

No apartado feminino, a piques estiveron de dar a sorpresa as xogadoras do
Voleyourense ante o líder, CD Norvoley, nun partido que chegou ao quinto set
(19-25/25-9/25-11/21-25/15-8). As xogadoras de Alberto Gómez comezaron
moi entoadas o encontro, levando a primeira manga 25 a 19. Pero no segundo
set as tornas mudaron por completo, e o equipo local foi moi superior, sacando ás galegas do partido, que non souberon reaccionar ata o cuarto set (25-9 e 25-11). As ourensás apelaron á coraxe na recta final do choque, adxudicándose o cuarto set, o máis igualado do partido 25 a 21. Pero no tie break as cántabras non perdoaron, e sentenciaron o encontro 15 a 8. O vindeiro sábado o Voleyourense enfrontarase ao segundo clasificado, o Universidad de Valladolid, ás 16.00 horas no Paco Paz.

BOLETÍN Nº 48 2 DE MARZO DE 2011
Departamento de prensa de la Federación Gallega de Voleibol.